Səthin hazırlanması

Beton və suvaqlı səthlərdə böyük ölçülü keramika tətbiqi və su izolyasiyası üçün səthin düzgün hazırlanması vacibdir. Səth sağlam, quru, təmiz, tozsuz və daşıyıcı olmalıdır. Səth yapışma gücünü azalda biləcək bütün yağ, pas, sürtgü yağı və parafin qalıqları tamamilə təmizlənməlidir. Səthdə artıq qırıntılar olmamalı, səth nəmə doymuş vəziyyətdə olmalıdır ki, yapışdırıcı və izolyasiya materialları səthə möhkəm yapışsın.

Əgər səthdə artıq dəmir və taxta parçaları varsa, onlar çıxarılmalı və bu boşluqlar uyğun bir  təmir materialı ilə təmir edilməlidir. Təmir işləri bitdikdən sonra səthin su əmiciliyini azaltmaq və möhkəm yapışma səthi yaratmaq üçün səth Universal Astar ilə astarlanmalıdır.

Su izolyasiyası tətbiqi

Sulu məkanlar, xüsusilə də hamam otaqları üçün iki komponentli elastik su izolyasiyası materialları istifadə edilməlidir. Bu kimi məkanlarda İzopower B40 və ya tam elastik B70 UV İzopower su izolyasiya məhsulları idealdır. Döşəmə, divar və künclərdəki birləşmə xətlərində zəif nöqtələr ola bilər, buna görə də bu sahələr İzopower Pah Bandları ilə möhkəmləndirilməlidir.

Su izolyasiyasının ilk qatı fırça və ya rulo ilə tətbiq olunmalıdır. Pah bandının tam ortası səthlərin birləşmə xətti ilə üst-üstə düşəcək şəkildə yerləşdirilməlidir. Hər qat biri-birinə əks istiqamətdə tətbiq edilməlidir ki, su keçirməzlik tam təmin olunsun. Mühitin temperaturuna uyğun olaraq hər qat arasında 5-6 saat gözlənilməlidir. Tətbiqdən sonra su izolyasiya təbəqəsinin tam quruması üçün ən az 7 gün gözlənilməlidir və sızma testləri aparılaraq 24 saat ərzində izolyasiyanın düzgünlüyü yoxlanılmalıdır.

Keramika yapışdırma və dərz dolğusu tətbiqi

Su izolyasiyası tam quruduqdan sonra, böyük ölçülü keramika tətbiqi üçün xüsusi yapışdırıcı materiallar istifadə edilməlidir. Böyük ölçülü keramika plitələri ağır olduğuna görə daha güclü yapışdırıcı tələb edir. FugaPower Flex CG2W və ya FugaPower Pro CG2W kimi EN12004-1 standartına uyğun C2 sinfinə daxil olan məhsullar bu tip işlər üçün idealdır.

Sulu məkanlarda keramika tətbiqindən sonra dərz dolğusu olaraq uzun müddət davamlılıq və elastiklik təmin edən silikon tərkibli, antibakterial FugaPower Regular CG1 və ya FugaPower Pro CG2W dərz dolğuları istifadə olunmalıdır. Bu dərz dolğuları keramikanın suya davamlılığını və estetik görünüşünü qoruyur, həmçinin uzunömürlü keyfiyyət təmin edir.